係香港可唔可以開英國戶口?

呢個問題小編自己都Google過幾十萬次，有啲人話唔可以但又有人自稱成功例子不過turn out去到英國又要用2-3星期先activate到張卡，到底實況係點呢?

登登登登...香港有2間銀行 - HSBC & BEA可以開設英國戶口，留意返一點，呢度係講緊開一個英國銀行嘅本地專用戶口並唔係一個兩地互通戶口又或者一張海外提款卡。換言之，就算你地開左個英國戶口都好，同香港戶口都係唔相通，係無轉帳功能需要用返電滙入錢落英國個戶口。知道左有兩間銀行可以開戶，下個問題應該都係開邊間好啲?

呢個問題呢，就真係好見人見智啦! 但以小編個人意見黎講，除非你係完全唔相信科技 (網上銀行)，硬係要去下銀行見下櫃檯姐姐先安心嘅果類人，否則我都係建議你申請東亞算吧啦...

原因有三：1. 免申請費 2.張卡有VISA logo只要你去任何一部有VISA logo提款機都拎到錢 3. 所有分行都有職員識講中文唔怕雞同鴨講(註1)

---

基於小編只係申請左東亞戶口，所以只係可以同大家分享東亞嘅申請過程...

當你決定左要去東亞開戶之後，就可以打去比其中一個東亞"國際部"同事約時間去中環總行交文件，即使你係香港無東亞戶口都完全無問題唷。當時我係5月左右打去 (Ms Tong)，唔算旺季，所以基本上第二日上去交文件都可以，但我就約左一星期後始終要啲時間準備文件嘛。嗱，唔好話我唔比心理準備你，到我7月再打上去想問follow up問題嘅時候，基本上係完全無人聽，要留言等佢覆。所以，心急嘅寶寶就最好係旺季前申請定啦(話晒前前後後都要成5個星期先搞掂)!

上去開戶有咩要帶呢? 基本上同你帶去申請VISA嘅差唔多，我當時就帶左HKID正副本、BNO正副本、英文住址證明 (東亞銀行信用卡月結單)、Offer Letter (因為當時未有CAS)、英國學生宿舍證明。填表果part其實東亞同事會解釋得好清楚，入面仲有一part係set limit每個月可以用幾錢，好岩我呢啲有錢就身痕嘅人學下節制用錢。

**另外，份form會要你set兩條安全問題答案，小編強烈建議你即時抄係個職員比你啲參考文件上面因為你幾個星期後要答返個答案去activate account - 除左漫遊，有咩方法打去外國，到時你先黎失憶就GG。

成功交表就會叫你返屋企等消息，陸陸續續應該會收到大約6份文件，到時個職員會比張print out你上面就會有以下呢個table嘅英文版。

支票簿主要係交學費用，如果無咩嘅話就唔好隨便開支票，因為比人彈左票好似係要比手續費架...最後大家收到果張卡就會係呢個post cover photo入面果張，成張卡重點就係左下角個VISA Logo。拎住呢張卡，基本上可以話你係英國打橫行都得，有VISA Logo嘅機都拎到錢，去超市或者其他鋪頭買野一嘟就比到錢，仲可以用黎online shopping! (前提係你戶口要有錢，因為呢張係Debit Card，即係你有幾多先扣到幾多) 6 set文件，小編建議大家最好跟身帶埋過去英國，in case有咩問題都有件文件可以refer返。

最後，比低3個電話大家，有咩問題可以打過去英國分行問：

網上銀行查詢 - +44 20 7208 7090

Debit卡查詢 - +44 20 7208 3818

報失/比人偷左張卡 (24hrs) - +44 20 7208 3809

註1 - 東亞分行地址

London Branch - 75 Shaftesbury Avenue London W1D 5BB Tel: +44 (020) 7734 3434

Birmingham Branch - 15 Wing Yip Centre, 278 Thimble Mill Lane Nechells, Birmingham B7 5HD Tel: +44 (0121) 326 3030

Manchester Branch - 3-5 Charlotte Street Manchester M1 4 HB Tel: +44 (0161) 669 8888

#predeparture #bankaccount #debitcard